ક્યાંક અલ્પ વિરામ હોય,ક્યાંક પૂર્ણ વિરામ હોય,
ક્યાંક તારૂં નામ હોય, ક્યાંક મારૂ નામ હોય.
વ્યથાનો જિંદગીમા એવો મુકામ હોય,
આંખોથી છલકે સાગર ને ખાલી જામ હોય.
તું કામ ને બહાને આવે પાસે પ્રથમ વખત,
કેવી વ્યથા કે ત્યારે જ મને પણ કામ હોય.
નિષ્ણાત થઇ જવું છે હવે સંબંધોની બાબતમાં,
સમજાણ પડી બહુ મોડી કે અહી સહુના દામ હોય.
શ્રધ્ધાનો હો વિષય કે શંકાની વાત હોય,
મિત્રોના હોઠ પર બસ મારૂં જ નામ હોય.
વિનોદ નગદિયા (આનંદ)
ટિપ્પણીઓ નથી:
ટિપ્પણી પોસ્ટ કરો