ધોમ ધખતા તાપમાં તું વાદળ થઈને ઉભરી,
સંબંધોની રખાવટ માં સાંકળ થઈને ઉભરી.
જયારે જ્યારે માર્ગ માં કોઇ મુંઝવણ નડી છે,
ત્યારે ત્યારે તું જ સાચી અટકળ થઈને ઉભરી.
કેટકેટલા અંધકારો આવ્યા હતા મારી અંદર,
કેટકેટલી વાર તું ભીતર ઝળહળ થઈને ઉભરી.
સાવ સુક્કી જીવતરની નદીમા રેલાયું સંગીત,
પાતાળેથી પ્રેમ સ્વરૂપા ખળખળ થઈને ઉભરી.
ઉબડ ખાબડ "આનંદ" સહુને સીધો લાગ્યો,
બિછાવી સ્મિત જ્યાં તું સમથળ થઈને ઉભરી.
જયારે જ્યારે માર્ગ માં કોઇ મુંઝવણ નડી છે,
ત્યારે ત્યારે તું જ સાચી અટકળ થઈને ઉભરી.
કેટકેટલા અંધકારો આવ્યા હતા મારી અંદર,
કેટકેટલી વાર તું ભીતર ઝળહળ થઈને ઉભરી.
સાવ સુક્કી જીવતરની નદીમા રેલાયું સંગીત,
પાતાળેથી પ્રેમ સ્વરૂપા ખળખળ થઈને ઉભરી.
ઉબડ ખાબડ "આનંદ" સહુને સીધો લાગ્યો,
બિછાવી સ્મિત જ્યાં તું સમથળ થઈને ઉભરી.
વિનોદ નગદિયા (આનંદ)
ટિપ્પણીઓ નથી:
ટિપ્પણી પોસ્ટ કરો