ઈશ્વર ઇચ્છા

સપના ફળ્યા નહીં, ઈશ્વર ઇચ્છા,

મોકા કળ્યા નહીં, ઈશ્વર ઇચ્છા.

જલાવી તો દીધી અમે જાત આખી,

છતાં ઝળહળ્યા નહી, ઈશ્વર ઇચ્છા.

પાગલ જવાની હતી જ્યારે વ્યાકુળ,

તમને મળ્યા નહીં, ઈશ્વર ઇચ્છા.

અતિ પ્રિય સ્વપ્નના મૃત્યુ ઉપર પણ,

અમે ખળભળ્યા નહીં, ઈશ્વર ઇચ્છા.

તકદીર સાથે ટકરાવ સીધાં,

ટાળ્યા ટળ્યા નહીં, ઈશ્વર ઇચ્છા. 

સંબંધ સઘળાં નિભાવી લીધાં પણ,

દલડાં હળ્યા નહીં, ઈશ્વર ઇચ્છા.

વિનોદ નગદીયા (આનંદ)