ત્યારે તમે ક્યાં હતા

ઊંડા વમળ આભડ્યા,ત્યારે તમે ક્યાં હતા ?
જ્યારે વહાણ ડગમગ્યા,ત્યારે તમે ક્યાં હતા ?

ચહેરા ઉપર કાલિમા ને આંખમાં અશ્રુ હતાં,

ભાલે કલંકો જડ્યા, ત્યારે તમે ક્યાં હતા?

સારા દિવસના રહ્યાં કાયમ તમે સોબતી,

માઠા સમય થી લડ્યા,ત્યારે તમે ક્યાં હતા ?

જાહોજલાલી અમારી સાંભળી ને બધા,

સરખામણી એ ચડ્યા, ત્યારે તમે ક્યાં હતા

દિવસો ઘણાં પ્રેમના આપ્યા હશે તે છતાં,

"આનંદ" પાછા પડ્યા,ત્યારે તમે ક્યાં હતા ?

વિનોદ નગદિયા (આનંદ)