આપ્યાં તને ઠપકા ઘણાં પણ દોસ્ત રિસાઈ જાતો નહીં,
દઈ દે મને કંઈ પણ સજા પણ દોસ્ત રિસાઈ જાતો નહીં.
દઈ દે મને કંઈ પણ સજા પણ દોસ્ત રિસાઈ જાતો નહીં.
તારા દરદ છે દોહ્યલા ના કોઈ પણ એ લઈ શકે કદી,
કરતો રહે એની દવા પણ દોસ્ત રિસાઈ જાતો નહીં.
આ દોસ્ત તો રંગીન છે લોકો બધા કહેતા રહે છતાં,
મેણાં ભલે વાગે ઘણાં પણ દોસ્ત રિસાઈ જાતો નહીં.
મોં પર મળે મીઠાં શબદ ને પ્રેમના દેખાવ પણ ઘણાં,
મળતા હશે પાછળ દગા, પણ દોસ્ત રિસાઈ જાતો નહીં.
"આનંદ"ને દઈ આંસુના દરિયા અને વચ્ચેથી છોડ માં,
લઈલે હજી લેવી મજા પણ દોસ્ત રિસાઈ જાતો નહીં.
વિનોદ નગદિયા (આનંદ)
ટિપ્પણીઓ નથી:
ટિપ્પણી પોસ્ટ કરો