ઉમર છે, શરીર છે, ભલું પૂછવું,
ગ્રહો પણ ગંભીર છે,ભલું પૂછવું.
ધ્રુસકાઓ કદાચ પાછળ હોય,
આંખો સભર નીરછે,ભલું પૂછવું.
એ આંખો ચોરી જાય પણ ખરી,
તારી તસવીર છે, ભલું પૂછવું.
ફરી પણ બેસે, કહેવાય નહીં,
આ તો તક્દીર છે, ભલું પૂછવું.
ઘા જનોઇવઢ કરીને પણ જાય,
સમય તો સમશીર છે,ભલું પૂછવું.
ઇચ્છામૃત્યુને અવગણના મળે,
બહુ જુનું એ તીર છે,ભલું પૂછવું.
"આનંદ"થી સ્પર્શ ને સુણી ય શકે,
ટેરવાં ભલે બધિર છે,ભલું પૂછવું.
વિનોદ નગદિયા (આનંદ)
ટિપ્પણીઓ નથી:
ટિપ્પણી પોસ્ટ કરો