લાખો કર્યા પ્રયત્ન પણ એ વાત ક્યાં બની,
આ જિંદગી વિષાદથી આઝાદ ના બની.
આ જિંદગી વિષાદથી આઝાદ ના બની.
તેથી ત્વચાની આરપાર પ્રકાશ પુંજ છે,
પ્રગટ્યું છે સારું દર્દ જાણે દેવતા બની.
ભડભડ બળી છે આમતો તસવીરમાં બધે,
આંખે અડી જો યાદ તો એ આશકા બની.
સંબંધ સાચા જેટલાં પરખાઇ ના શક્યાં,
ખટકે છે એના પાળિયા અહીં ઓરતા બની.
જ્યાં જ્યાં ચગાવ્યો મેં કદી મારા પતંગને,
"આનંદ" એ અગાસીઓ સહુ આશના બની.
વિનોદ નગદિયા (આનંદ)
ટિપ્પણીઓ નથી:
ટિપ્પણી પોસ્ટ કરો