આંસુ

આપણા આંસુ તો મગરના આંસુ,

ઇશ્વરના આંસુ ઘર ઘરના આંસુ.

એને તો હવે એટલો જ સતાવો,

રડે તો સારે માફકસરના આંસુ.

પહાડોના હૈયા પણ ભરાય ત્યારે,

ખરવા માંડે છે પથ્થરના આંસુ.

પહાડોથી નફરત થઇ ગઇ હવેતો,

આવી રીતે કોઇ આપે સફરના આંસુ !

પૂજામાં શ્રધ્ધાને ચઢાવીને આવ્યા,

પ્રસાદીમા લાવ્યા ઉમ્રભરના આંસુ.

શ્રધ્ધાળુ હવે શું સારી રહ્યો છે !

શ્રધ્ધાની ઓછી અસરના આંસુ.

"આનંદ" હવે નૂર ક્યાં છે નઝરમાં,

ખુટી પડ્યાં છે સહુ અંદરના આંસુ.

વિનોદ નગદિયા (આનંદ)