મીટાવી દીધાછે અસ્તિત્વ ઝાડપાન ના,
કોટા હવે ત્યાં ફુટશે એક ઊંચા મકાનના.
ડાઘાં પડી જશે ને પછી ફિક્કા પડી જશે,
ઉતરી રહ્યાં છે રંગ હવે તો આસમાનના.
ગણગણાટ શહેરનો ય સહેવાતો નથી.
પરદા રહ્યાછે ધ્રૂજી હવે બેઉ કાનના.
પથ્થરના જંગલો અને આ વધતા માનવી,
સાંસા પડી જશે કદિ અહીં ખાવાના ધાનના.
એ કલરવ ભરી સાંજ ને સહુ કોઇ ભુલી ગયાં,
કોલર ટ્યૂન થઇ રહ્યાં છે પંખીના ગાનના.
વાતાવરણ નો એટલો કોઠે પડ્યો તણાવ,
"આનંદ" કદિ ન માણે કોઇ ભોગે શાનના.
વિનોદ નગદિયા (આનંદ)
ટિપ્પણીઓ નથી:
ટિપ્પણી પોસ્ટ કરો