ક્યાં હોય છે ?

આવે ખરો સમય બધું ત્યારે ખરૂં ક્યાં હોય છે ?

તૂટી પડે છે આભ ત્યારે છાપરૂં ક્યાં હોય છે ?

પાછળ ન મુકે દોટ , ના કરે યાદ પુરાણા દિન,

મન આપણું ય એટલું કહ્યાગરૂં ક્યાં હોય છે ?

સામે જ ઊભો હોય એ દર્પણને તાકતો,

માણસ છતાંય ખુદની પણ રૂબરૂ ક્યાં હોય છે ?

મલકી જવાય અચાનક મહેફીલમાં એ  જોઇને,

મલકાવવા મુખડા સહુ કારણ ખરૂં ક્યાં હોય છે ?

દફનાવવા ના મનસુબાથી સાથે લઇ ને ફર્યા કરૂં, 

આ યાદ માટે કોઇ  સ્થળ અવાવરૂં ક્યાં હોય છે ?

માંગો તમે ને મોત સાક્ષાત પળ મા આવી જાય, 

"આનંદ" નસીબ સહુનુ તો એવું પાધરૂં ક્યાં હોય છે ?

વિનોદ નગદિયા (આનંદ)