બાકી રહ્યો છોને પ્રણય ,લ્યો આવજો હવે,
આવી ગયો અંતિમ સમય,લ્યો આવજો હવે.
આવી ગયો અંતિમ સમય,લ્યો આવજો હવે.
દિલમાં જરા પણ લાગણી ફૂટી નહીં કદી,
ઘાયલ રહ્યું કાયમ હૃદય, લ્યો આવજો હવે.
કોરી નદીના માર્ગ સમ બળબળતી રેતમાં,
છેડા રહ્યા સામે ઉભય ,લ્યો આવજો હવે.
કોણે કહ્યું કે જિંદગી રફતારમાં નથી ?
ચૂક્યા નથી ક્યારેય લય, લ્યો આવજો હવે.
"આનંદ" થી પહોંચી ગયા સંગાથ એટલે,
છેડ્યો નહીં અઘરો વિષય, લ્યો આવજો હવે.
વિનોદ નગદિયા (આનંદ)
ટિપ્પણીઓ નથી:
ટિપ્પણી પોસ્ટ કરો